അല്ലാഹു

പുരാതന ഭാഷകളിൽ ഒന്നും,
പ്രപഞ്ച സ്രഷ്ടാവായ ദൈവത്തിൻറെ,
അന്തിമ വേദ സത്യമായ ഖുർആൻ അവതരിച്ച ഭാഷ എന്നതുകൊണ്ട് മാത്രം വംശനാശം സംഭവിച്ചിട്ടില്ലാത്തതുമായ ഭാഷയായ അറബിയിൽ,

അല്ലാഹു =
അൽ + ഇലാഹ്,

എന്നാണ് ഇതിനെ അറബിയിൽ പിരിച്ചാൽ കിട്ടുക.

അതായത് ഇംഗ്ലീഷിൽ THE GOD,

മലയാളത്തിൽ,

യഥാർത്ഥ ദൈവം

അതായത്, പ്രപഞ്ചസ്രഷ്ടാവായ ഏതൊരു അസ്തിത്വമാണ്, ഏതൊരു ശക്തിയാണ് ഈ പ്രപഞ്ചത്തെ സൃഷ്ടിക്കുകയും നിയന്ത്രിക്കുകയും അടക്കിഭരിച്ചു കൊണ്ടിരിക്കുകയും ചെയ്യുന്നത്,

ആ  ശക്തിയാണ് അല്ലാഹു എന്ന് അറബി ഭാഷയിൽ പറയുന്നത്.

ഭൂരിഭാഗം ആളുകളും തെറ്റിദ്ധരിച്ച പോലെ,

ഈ അല്ലാഹു മുസ്ലീങ്ങളുടെ മാത്രം ദൈവമോ, സ്വകാര്യസ്വത്തോ അല്ല.

മറിച്ച് ബ്രഹ്മം, ഈശ്വരൻ , കർത്താവ്, ദൈവം എന്നൊക്കെ ആളുകൾ ഉദ്ദേശിക്കുന്നത് പ്രപഞ്ചസ്രഷ്ടാവും നിയന്താവും സംരക്ഷകനുമായ ഏതൊരു ശക്തിയെയാണോ,

ആ ശക്തി തന്നെയാണ് അല്ലാഹു എന്നതുകൊണ്ട് അറബിഭാഷയിൽ ഉദ്ദേശിക്കുന്നത്.